Euskal Herriko Distantzia Luzeko Igeriketa Txapelketa antolatuko da domekan Galdakaon
TESTUA: Irati Alonso García
ARGAZKIA: Galdakaoko Udala
Domekan, azaroak 19, Euskal Herriko Distantzia Luzeko Igeriketa Txapelketa antolatuko da Galdakaoko Urreta kiroldegian. Guztira 34 igerilarik parte hartuko du lehiaketan lau proba ezberdinetan.
Urreta kiroldegiak hitzordu berezia hartuko du domekan, azaroak 19, izan ere, Euskal Herriko Distantzia Luzeko Igeriketa Txapelketa antolatuko da kiroldegiko igerilekuan. Hitzordua 15:30ean hasiko da, eta beroketak ordubete lehenago.
Guztira 34 igerilarik parte hartu du domekako lehiaketan eta lau proba ezberdin lehiatuko dira: 2000 metro ibre emakumeak, 2000 metro libre gizonak, 3000 metro libre emakumeak eta 3000 metro libre gizonak.
Parte hartzaileen artean Galdakao Igeriketa Taldeko bost kide daude: Aritz Larrucea, Aitor Gomez, Uxue San Juan, Sofia Conde eta Laia Aurrekoetxea.
