DESKARGATU | Galdakaoko Ibilaldiak arropa eta osagarrien katalogoa argitaratu du
TESTUA: Jon Gomez Garai
ARGAZKIA: Ibilaldia 2025
Sartu berri garen urte honetan Eguzkibegi Ikastolak antolatuko duen Ibilaldirako arropa eta osagarriak denda fisikoan zein internet bidez eskuratu daitezke. Eta orain, bateko zein besteko produktu guztiak katalogo bakarrean batu ditu antolakuntzak. Katalogo osoa ondoko albistean deskargatzeko aukera eskaini du BINKEk.
Eguzkibegi Ikastolarekin loturarik izan edo ez, honezkero galdakoztar guztiek izango dute maiatzaren 25eko egun seinalatuaren berri: Ibilaldia antolatuko da Galdakaon. Eta data nabarmen horri begira motorrak berotzen joateko arropa eta osagarriak kaleratu zituen Ibilaldiaren antolakuntzak 2024ko ekainaren 15ean.
Denda fisikoak irekita egoten jarraitzen du aurkezpeneko egun hartatik, bere ohiko ordutegian —Sollube kalea 10, eguen eta barikuetan 17:00etatik 20:00etara; eta zapatuetan 11:00etatik 14:00etara—. Gainera, iazko irailetik denda fisikoari online bidezko salmenta ere gehitu zitzaion.
Orain aldiz, produktu guzti horien berri jasoko duen katalogoa kaleratu du Ibilaldiak, eta hemen eskaini du BINKEk katalogo osoa deskargatzeko aukera:
