Glenna Cabellok, Venezuelak Bilbon duen kontsulak, hitzaldia eskainiko du Galdakaon
TESTUA: Irati Alonso García
ARGAZKIA: Maika Salguero
Torrezabal Kultur Etxeak Glenna Cabelloren hitzaldia hartuko du bihar, maiatzak 8. Cabello Venezuelak Bilbon duen kontsula da eta herrialdearen egoeraren inguruan arituko da.
Aurten 40. urteurrena ospatzen ari den Guzur Aretxa elkarte galdakoztarrak ‘Venezuela jo puntuan’ hitzaldia antolatu du biharko, maiatzak 8, Torrezabal Kultur Etxean 19:00etan.
Glenna Cabellok, Venezuelak Bilbon duen kontsulak, eskainiko du solasaldia eta herrialdearen egoeraren inguruan arituko da Galdakaon.
Zehazki, Venezuelan bizitzen ari diren egoera ulertzeko gakoak aurkeztuko dizkie solasaldian parte hartuko dutenei.
