Ibilaldia 2025eko logoa eta leloa aurkeztuko du Eguzkibegik zapatuan Kurtzean
TESTUA: Irati Alonso García
ARGAZKIA: Argia Garcia, 2009ko Ibilaldian ateratakoa
Galdakaoko Eguzkibegi Ikastolaren jaia antolatuko dute zapatuan, ekainak 15, Kurtzeko plazan. Hitzorduan hainbat ekintza eskainiko dira eta besteak beste, ikastolak antolatuko duen Ibilaldia 2025eko logoa eta leloa aurkeztuko dira.
Euskararen eta Bizkaiko ikastolen aldeko jaia antolatu zen maiatzaren 26an Getxon, Ibilaldia. Egun osoz berrogei ekintzatik gora eskaini zituen Algortako San Nikolas Ikastolak eta hasiera ekitaldia ere egin zuten.
Honetan, erakundeetako ordezkariek, ikastolako arduradunek, ikasleek eta beste zenbait euskaltzalek hartu zuten parte eta amaieran datorren urterako Ibilaldia antolatzeko lekukoa Galdakaoko Eguzkibegi Ikastolari eman zioten.
Ibilaldia lehen aldiz 2009an antolatu ostean, Eguzkibegi Ikastolak izango du bigarrenez Ibilaldia 2025 antolatzeko ardura eta barikuan, ekainak 15, egingo dute honen aurkezpena Kurtzeko plazan. Hitzorduan, besteak beste, Ibilaldia 2025eko logoa eta leloa ezagutzera emango dituzte Joana Lasherasek eta Jon Gomez Garaik aurkeztutako ekitaldian.
Halaber, batez ere umeei eskainitako hainbat ekintza antolatuko dituzte egunean zehar, izan ere, ikastolako jaia antolatuko da. Hemen batu ditugu ekintza guztiak:
Ekainak 15, zapatua
10:00 Famili txangoa, Ganguren tabernatik
11:00 Txosnaren irekiera
11:00 Puzgarriak eta herri kirolak, frontoian
12:30 Eke erakustaldia, karpan
13:00 2025eko Ibilaldiaren aurkezpena eta dendaren irekiera
14:30 Bazkari herrikoia: txartelak salgai Ikastolan eta Ganbara tabernan
16:00 Puzgarriak eta tailerrak, frontoian
17:00 Bitsa festa, Ardanza parkean
18:30 Erromeria Jaire taldearen eskutik, karpan
20:00 DJ Alai, karpan
21:00 Txosnaren itxiera
