Iguana y Los Jumiles talde historiko galdakoztarra Basoa tabernan arituko da bihar

TESTUA: Irati Alonso García
ARGAZKIA: Jabi Rojo

Basoa tabernak gau mexikarra antolatu du biharko, maiatzak 9. Iguana y Los Jumiles talde historiko galdakoztarrak kontzertua eskainiko du eta Tex-Mex musika dantzatzeko eta gozatzeko aukera izango dute ere bertataratzen direnek.

Iguana y Los Jumiles talde historiko galdakoztarraz gozatzeko aukera izango dute berriz herritarrek bihar, Basoa tabernaren eskutik. Elexaldeko igerilekuetako taberna-jatetxeak bandaren kontzertua hartuko du 21:30etan.

Iguana y Los Jumiles taldea 1993. urteko Santakurtzetarako sortu zen Txabi Roblesek Zamakoa kale galdakoztarrean zuen Tucker tabernan antolatu zuen jai mexikar batek bultzatuta.

Kontzertua tabernak antolatu duen gau mexikarraren baitan kokatzen da. Jaia 20:00etan hasiko da eta Tex-Mex musika dantzatu ahal izango dute ere bertaratzen direnek.

Halaber, benetako tako mexikarrak, tequila eta margaritak eskainiko dituzte gau mexikarrean, besteak beste.