Mural berria margotu du Bea Gonzalezek Usansolon
TESTUA: Irati Alonso García
ARGAZKIA: Maite Lopez
Bea Gonzalez artista usansolotarrak mural berria margotu du bere herrian. Zehazki, Laminak tabernaren ondoko horman dago ikusgai irudi berria.
Usansolok 2017tik Laminak tabernaren ondoko horman ikusgai zegoen muralari agur esan dio asteburu honetan, izan ere, Bea Gonzalez usansolotarrak irudi berri bat margotu du horma horretan, Usansoloko Talde Feministak iragarri duenez.
Artista usansolotarra asteburuan zehar, urtarrilaren 25 eta 26an, egon da irudi berria margotzen eta herritarrek prozesu osoa ikusteko aukera izan dute.
Hemendik aurrera beraz, emakume bat oinarri duen mural berria ikusgai dago Laminak tabernaren ondoko horman.
