Orain arte 1.121 galdakaoztarrek eman dute izena Euskaraldian
TESTUA: Irati Alonso García
ARGAZKIA: Jon Gomez Garai
Maiatzaren 15etik 25era antolatuko da aurten Euskaraldia eta izena emateko zabalik dago martxoaren 25etik. Orain arte 1.121 galdakaoztarrek eman dute izena Euskaraldian, Udalak jakinarazi duenez.
Maiatzaren 15etik 25era antolatuko da aurten Euskaraldia, ‘Elkar mugituz egingo dugu’ lemapean. Izena emateko epea martxoaren 15ean zabaldu zen eta honezkero 1.121 galdakoztarrek eman dute izena ekimenean parte hartzeko, Galdakaoko Udalak jakinarazi duenez.
Lagun guzti horietatik 760 emakumezkoak dira eta 355 gizonezkoak. Orain arte izena eman duten herritarren batazbesteko adina aldiz, 47 urtekoa da, eta 36 urtetik 55 urte bitartekoek osatu dituzte izen-emateen erdiak.
Hautatutako rolari dagokionez, 817 Ahobizi bezala apuntatu dira eta 304, berriz, Belarriprest bezala.
Datu horiek kontuan hartuta, eta «azken aste hauetan izen emateek gora egingo dutelakoan, antolatzaileek aurreko edizioko izen emate kopurua gainditzea aurreikusten dute». 1.450 herritar apuntatu ziren aurreko edizioan, usansolotarrak batuta.
Izena webgune bitartez eman daiteke, eta baita herrietan jartzen ari diren buzoietan ere. Galdakaon bederatzi gunetan jarri dituzte buzoiak, honako eraikinetan:
- Musika eskolan
- Anbulatorioan
- Udaletxean
- Urretako kiroldegian
- Elexaldeko kiroldegian
- Santa Barbaran
- Barandiaran AEK Euskaltegian
- Udal Euskaltegian
- Torrezabal Kultur Etxean
