Paule Amarika eta Laida Zuluaga, hirugarren Euskadiko Hondartza-Boleibol Txapelketan
TESTUA: Irati Alonso García
ARGAZKIA: Galdakao Bolei Taldea
Pasa den asteburuan hondartza-boleiboleko Emakumezkoen 17 Urtez Azpiko Euskadiko Txapelketa lehiatu zen Galdakaon eta 42 bikote batu ziren hitzorduan. Parte-hartzaileen artean Paule Amarika eta Laida Zuluaga izan ziren eta galdakoztarrek hirugarren postua lortu zuten.
Hondartza-boleiboleko Emakumezkoen 17 Urtez Azpiko Euskadiko Txapelketa hartu zuen pasa den asteburuan Galdakaok eta guztira 42 bikotek parte hartu zuten hitzorduan.
Mateosek eta Villatek osatutako bikotea izan zen txapelketaren irabazlea, finalean Labad eta Agirre garaitu ostean. Hirugarren postua aldiz, Galdakao Bolei Taldeko Paule Amarikak eta Laida Zuluagak lortu zuten.
Bizkaiko Boleibol Federazioak eskerrak eman zizkien antolatzaileei, «bertako Galdakao Boleibol Taldearen lan bikainagatik, baita arbitroei, ikusleei eta ekitaldia posible egin zuten pertsona guztiei ere. Eskerrak eman nahi dizkiegu, halaber, Galdakaoko Udalari, instalazioak lagatzeagatik, eta Asier Egiraun Hirigintzako zinegotziari, sari-banaketan parte hartzeagatik».
