Pipo Perez musikari galdakoztarrak bere lehen diskoa kaleratu du, ‘Cornucopia’
TESTUA: Irati Alonso García
ARGAZKIA: Ainize Basalo
Aurretik taldeetan ibili ostean, bakarkako ibilbidea hasi du Pipo Perez musikari galdakoztarrak eta bere lehen diskoa kaleratu du. ‘Cornucopia’ du izena eta bederatzi abestiz osatuta dago.
Pipo Perez musikaria zenbait taldetan ibili da aurretik, Mr. Pongo esaterako, eta Galdakaoko Da Capo Musika Bandan ere parte hartzen du. Orain ordea, bakarkako ibilbidea abiatzea erabaki du galdakoztarrak eta bere lehen diskoa kaleratu du, ‘Cornucopia’.
Lana Galdakaoko Urretarecords estudioan grabatuta dago eta bederatzi abestik osatzen dute. «Diskaren azalak, Bea Markaidak egina, bederatzi objektu erakusten ditu baitaere kornukopia batetik ateratzen. Zein objektu zein abestiri dagokion entzuleentzako mini-joko bezala utzi dut», azaldu dio musikariak BINKEri.
Disko fisikorik argitaratu ez duen arren, entzugai dago honezkero «nahi duzuna ordaindu» deskargapean Bandcampen, eta baita Soundcloud eta Youtube plataformetan.
