San Patrizio eguna ospatzeko jaia antolatuko dute bihar Herriko Bentan
TESTUA: Irati Alonso García
ARGAZKIA: EITB
San Patrizio eguna ospatzeko aukera izango da bihar Galdakaon, Herriko Bentan. Besteak beste, argazki erakusketa, gargardo berezien dastaketa eta musika saioa antolatu dituzte 20:30tik aurrera.
Martxoaren 17a egun berezia da irlandarrentzat, izan ere, bere patroia den San Patrizio ospatzen dute. Kolore berdeko jantziak jarri eta kalera irtetzen dira urtero Irlandan, eta baita munduko beste hainbat txokoetan.
Bihar. martxoak 17, Galdakaon ere izango da jai honetaz gozatzeko aukera. San Patrizio eguna ospatzeko jaia antolatu dute Herriko Bentan, 20:30ean.
Besteak beste, argazki erakusketa, garagardo bereziak eta irish trade musikako saioa eskainiko dituzte. Antolatzaileek parte-hartzera animatu dute. «Hurbildu ospatzera eta giro paregabeaz gozatzera!», adierazi dute sare sozialetatik.
