Udabarriagaz batera, ereindakoaren fruituak jasotzen dabiltza Elexalde BHI-n

TESTUA ETA ARGAZKIAK: Elexalde BHI

Ilusioz beteta eta gogotsu, Elexaldeko DBH 1. eta DBH 2. mailako hainbat ikaslek baratza edo ortu ekologikoa antolatu du irakasle batzuen laguntzaz, Hedatze proiektuaren barruan.

Urri aldean ortuaren nondik norakoak zehazten hasi ziren Elexaldeko ikasleak: leku egokiena aukeratu, berau egokitu (belarra moztu, aitzurraz lurra jorratu…), landatu beharrekoak aukeratu, lanabesak eskuratu…

Hurrengo urratsa baratze-alorrak ipintzea eta erein beharrekoak zehaztea izan zen: zenbait ortuari landatu genituen (azalora, aza, letxugak…); beste batzuk erein, ilarrak, esaterako; eta, horiez gain, lorak, arbol-kimuren bat eta erraboil batzuk ere sartu zituzten.

Eguraldiak lagundu ez zueb egunetan bestelako lanak egin zituzten, ortua zaintzen duen txorimaloa, esaterako. Teknologia gela erabili dute, eta bertan aurkitu dituzte behar izan dituzten materialak eta lan tresnak. Bestetik, artakusoa janzteko, berrerabilitako arropa eta bestelakoak erabili dituzte. Argazkietan ikusi daitekeenez, Athleticen garaipena ere majorik ospatu zuen gure languntxoak!

Beharrizanen arabera baratza egokituz joan dira, eta bestelako baratza-alorrak edota lorontzi-euskarriak egin dituzte, eskuz eta berrerabilitako materialez betiere.

Eguraldia epeltzen hasi zen heinean, erein eta landatutakoaren fruituak ikusten hasi ziren eta daborduko hainbat entsalada eta porrusalda jan ahal izan dituzte egindakao lanari esker!

Azken egun hauetan tomate landarei aldakistenak edo arrama-alferrak kentzen aritu ziren, ahalik eta fruitu eder eta osasuntsuenak hartu ahal izateko.

Ea hurrengo batean tomate eta ilarren berri emateko aukera duten!