Usansoloko Binakako Duatloiaren bigarren edizioa apirilaren 7an antolatuko da
TESTUA: Irati Alonso García
ARGAZKIA: Peio Zamalloa
Bigarren aldiz antolatuko du U113 triatloi taldeak Usansoloko Binakako Duatloia. Aurten apirilaren 7an izango da eta guztira 27,5 kilometro egingo dituzte.
Iaz, martxoaran 26an, antolatu zuen lehen aldiz U113 triatloi taldeak Usansoloko Binakako Duatloia. Eguraldi ona izan zuten lagun txapelketaren lehen aldian eta hitzordua arrakasta handiz antolatu zen, 220 kirolari inguru batuz.
Hau errepikatzeko helburuz, bigarren edizioa antolatuko du U113 taldeak aurten. Apirilaren 7an izango da kasu honetan, sare sozialetan ezagutzera eman dutenez.
Txapelketaren parte-hartzaileek 5 kilometro egingo dituzte korrika, beste 20 bizikletaz eta azkenik 2,5 kilometro korrika berriz. Lasterketa 11:00etan hasiko da eta izena emateko epea zabalik dago www.rockthesport.com webgunean.
