Usansoloko erdigunean geltokia eskatzeko manifestaziora deitu dute Bilbon urriaren 26rako

TESTUA: Irati Alonso García
ARGAZKIA: Geltokia Erdigunean

Usansolotarrek Metro geltokia erdigunean eskatzen jarraitzen dute eta aldarrikapen honen harira, Geltokia Erdigunean plataformak manifestaziora deitu du Bilbon urriaren 26rako.

Usansolotarrek eta Geltokia Erdigunean plataformak Metro geltokia herriaren erdigunean eskatzen jarraitzen dute, Loly De Juan Eusko Jaurlaritzako Garraio Azpiegituren zuzendariak geltokia herriko erdigunean ezartzea «momentuz ez dela aukera bat» nabarmendu arren.

Hainbat mobilizazio egin dute azken hilabeetan Metro geltokia erdigunean eskatzeko eta urriaren 26an Bilbon manifestaziora deitu du Geltokia Erdigunean plataforma.

Manifestazioa 12:00etan hasiko da Areatzan eta Bizkaiko Foru Aldundiaren egoitzara arte joango dira, «Geltokia erdigunean!» lemapean.

Antolatzaileek beltzez edo gorriz jantzita joatera animatu dituzte usansolotarrak eta baita herritik denok batera 11:00etan trena hartzera.