Usansoloko prejaiak ospatuko dituzte azaroaren 25ean
TESTUA: Irati Alonso García
ARGAZKIA: Peio Zamalloa
Aurten jaien aurreko ospakizuna egingo dute Usansolon azaroaren 25ean. Prejaiak antolatuko dituzte egun horretan 17:00etatik aurrera hiru ekintzekin eta albiste honetan batu ditugu hauen xehetasunak.
Jaiak ospatuko dituzte Usansolon abenduan baina hori baino lehen ere festa giroa izango da herrian, izan ere, azaroaren 25ean prejaiak antolatuko dituzte. Lamintxu Gazte Asanbladak jakinarazi duenez, 17:00etan hasiko da jaia.
Ordu horretan Kuadrila Arteko Txapelketako probak egingo dituzte Unkina plazan 20:00etara arte. Ostean, Sama Siku fanfarrearekin dantzatzeko aukera izango da. Gauean aldiz, 22:30ean, Kresala orkestak kontzertua eskainiko du.
«Asteburu batekin eztekogu nahikorik, horregatik sorpresa hau prestatu dogu. Jaietarako berotuten gabiz!», adierazi dute Lamintxutik.
