‘Volar’ pelikularekin zine forum saioa antolatuko du Mairik Torrezabalen
TESTUA: Irati Alonso García
ARGAZKIA: Emakunde
Mairi Emakume Feminista Batzak zine forum saioa antolatu du urriaren 10erako. Saioa Torrezabal Kultur Etxean izango da eta Emakundek produzitutako ‘Volar’ pelikula aztertuko da.
Mairi Emakume Feminitsa Batzak hainbat ekintza antolatzen ditu Galdakaon urtean zehar eta urriaren 10ean zine forum saioan parte hartzeko aukera eskainiko du, Torrezabal Kultur Etxean 19:00etan.
Hitzorduan Emakunde Emakumeen Euskal Erakundeak produzitutako ‘Volar’ pelikula aztertuko dute. Bertha Gaztelumendik zuzendutako film honek indarkeria jasan duten bederatzi emakumeren testigantzak jasotzen ditu.
Saioak sarrera librea izango du eta informazio gehiago eskuratu daiteke mairigaldakao@gmail.com helbidera idatziz.
