Gabonetako kirol udalekuetan izena emateko epea zabalik dago

TESTUA: Irati Alonso García
ARGAZKIA: Andy Gin

Izena eman daiteke jada aurtengo Gabonetako kirol udalekuetan. 5 eta 12 urte arteko gazteei zuzenduta egongo dira eta Urretako eta Unkinako kiroldegietan egingo dira bi txanda ezberdinetan.

Gabonetako kirol udalekuetan izena emateko epea zabalik dago eta bi modutan egin daiteke: online edo presentzialki Urretako eta Unkinako kiroldegietan. Gazteei zuzendutako udalekuak dira, hain zuzen 5eta 12 urte artekoei, eta bi txandatan egingo dira.

Lehen txanda abenduaren 26tik 30era gauzatuko da eta prezioa 70 eurokoa da abonatuentzat eta 84 eurokoa ez abonatuentzat. Bigarrena, aldiz, urtarrilaren 2tik 5 era bitartean egingo da eta honetan parte hartzeko abonatuek 56 euro ordaindu behar izango dituzte eta ez abonatuek 67,2 euro.

Unkinako eta Urretako kiroldegietan egingo dira jarduerak 9:00etatik 14:00etara baina haurtzaindegi zerbitzua 08:30etik 09:00etara eta 14:00etatik 14:30era izango da zabalik. Informazio zabalagoa kiroldegietako harrera kontroletan emango da.