Gaizka Carregal pilotari galdakoztarrak Bizkaiko Nagusien Lehen Mailako txapelketa irabazi du

TESTUA: Irati Alonso García
ARGAZKIA: Gaizka Carregalen sareetatik

Bizkaiko Nagusien Lehen Mailako eskuz banakako finala jokatu zen zapatu arratsaldean Abadiñoko Matiena frontoian. Gaizka Carregal pilotari galdakoztarra izan zen garailea, 22-16 gailendu zitzaiola Mikel Aurrekoetxeari.

Hazten jarraitzen du Gaizka Carregal pilotari galdakoztarrak. Pasa den ekainean Euskal Herriko txapela irabazi zuen, Binkek jaso zuen moduan. «Gaur dudan mailari eutsi eta orain arte bezala gogor lan egiten jarraituko dut», azaldu zuen orduan. Lanean jarraitu du ordutik eta zapatuan erronka berri baten aurrean garaile agertu zen Adiskide taldeko pilotaria.

Bizkaiko Nagusien Lehen Mailako eskuz banakako finala irabazi zuen Carregalek, Abadiñoko Matiena frontoian jokatutako partidan. Galdakoztarra Mikel Aurrekoetxeari gailendu zitzaion, 22-16 izan zela azken emaitza.

Finalera heldu baino lehen Oier Hormaetxea eta Xabier Rekalde garaitu zituen Carregalek, final laurdenetan eta final erdietan, hurrenez hurren.