Gazte gutxien dituen eskualdeko bigarren herria da Galdakao
TESTUA: Irati Alonso García
ARGAZKIA: Sky Nesher
Euskal Estatistika Erakundearen arabera, Galdakaoko biztanleriaren %16,8ak du hogei urte edo gutxiago. Datu hau kontuan izanda, gazte gutxien duen eskualdeko bigarren herria da, Basauri dagoela soilik gainetik %15,3arekin.
Bizi-itxaropenaren etengabeko igoerak eta seme-alabak izateko zailtasun ekonomikoek desoreka sortzen ari dira biztanlerian. Nagusiak dira gehiengoa herri gehienetan eta horrela gertatzen da ere Galdakaon.
Herriko biztanleriaren %16,8ak hogei urte baino gutxiago du, Eustaten arabera. Hau kontuan izanda, gazte gutxien dituen eskualdeko bigarren herria da, Basaurik bakarrik dituela datu txarragoak %15,3arekin. Alboko herrien artean, Arrigorriaga, Zeberio, Orduña eta Orozko esaterako %18aren goratik daude eta Etxebarrin %24,2 dira hogei urte edo gutxiagokoak. Azken hau inguruko herri gazteena da.
2016an 247 ume jaio ziren Galdakaon eta ordutik kopurua murrizten joan da, 2021an gora egin zuen arren. 2020an 163 jaiotza izan ziren eta 2021an, datuak jaso ziren azken urtea, 183.
Kopuru hauek hobetu eta gazte gehiago herrira erakartzeko asmoz, Galdakaoko Udalak hainbat neurri hartu ditu azkenaldian. Besteak beste, Etxebizitza Planaren barruan gazteei zuzendutako alokairu merkeak eskainiko ditu eta etxebizitza hutsak alokairuan jar daitezen lanean ari da.
Bestalde, Metroaren 5. lineak Galdakao eta Usansoloko mugikortasuna «asko» hobetuko duela uste du Udalak, auzokideen bizimodua erraztuz eta familiek Galdakao bizileku bezala hautatzeko aukera berriak sortuz.
