FP Andra Mariko ikasleak Bruselasen egon dira
TESTUA ETA ARGAZKIAK: FP Andra Mari
Aurreko astean, FP Andra Mari-ko 11 ikasle eta 3 irakasle Bruselas-era joan ziren. Bertan 4 egun egon ziren, eta besteak beste Europar Parlamentua eta Mechelen Ikastetxe Teknikoa bisitatu zuten. Europako Funtsen laguntzaz egin dute bidaia eta hurrengo urtean esperientzia errepikatzeko asmoarekin bueltatu dira, egindako kontaktuak baliatuz.
Bidai honen helburuetako bat izan da auto elektrikoari lotutako Greenpower proiektua sakontzea Mechelen Ikastetxe Teknikoaren laguntzaz. Bertan, ikastetxeko instalazioak ikusi zituzten eta hainbat ideia ekarri dute FP Andra Mari-ko auto elektrikoan moldaketak egiteko.
