TESTUA: Irati Alonso García
ARGAZKIA: AEK
AEK-k Korrika gure herrietatik martxoaren 21ean dela aurreratu bazuen ere, euskararen aldeko ekimen honen inguruko askoz azalpen gehiago emango ditu urtarrilaren 24ean Galdakaon. Aurkezpena Torrezabaleko erakusketa gelan izango da, 19:00etan.
Korrikaren 23. edizioa antolatuko da aurten martxoaren 14tik 24ra, Irunen hasi eta Euskal Herriko hainbat txokotatik igaro ostean Baionan amaitzeko. AEK-k duela egun batzuk jakinarazi zuenez, martxoaren 21ean igaroko da Galdakaotik eta Usansolotik, BINKEk jaso zuen moduan.
Galdakaon euskararen aldeko ekimen honen harira egingo denaren berri urtarrilaren 24ean emango du AEK-k, Torrezabal Kultur Etxeko erakusketa gelan egingo duen aurkezpenean.
Ekitaldia 19:00etan hasiko da eta «berezia eta umoretsua» izango da antolatzaileen esanetan. Aurkezpenaren ostean mokadutxo bat hartzeko aukera izango da.
