‘Ez eman buelta gehiago’ kanpainaren bideoan parte hartzera deitu dituzte galdakoztarrak
TESTUA: Irati Alonso García
ARGAZKIA: Galdakaoko Udala
Aurten ere ‘Ez eman buelta gehiago’ denda txikien aldeko kanpainaren bideoa egingo du Galdakaoko Udalak eta honetan parte hartzera deitu ditu herritarrak. Bihar, azaroak 20, egingo dute grabazioa.
Tokiko merkataritza indartzeko helburuz, hainbat ekintza jartzen ditu martxan Galdakaoko Udalak eta iaz herriko dendetan erosteko dei egiteko kanpaina abiatu zuen. Horretarako, bideoklip bat argitaratu zuen, Gaizka Chamizo galdakoztarra protagonista zuenak.
Asmo berdinarekin, tokiko dendetan erosketak egitea bultzatzea, bideo berri bat grabatuko du Udalak aurten eta oraingoan herritarrak deitu ditu grabazioan parte hartzera.
Grabazioa bihar, azaroak 20, izango da, Santa Barbarako oinezkoen zubian, 16:00etan.
