Sagardotegira irteera antolatu du Lamintxuk martxoaren 15erako

TESTUA: Irati Alonso García
ARGAZKIA: Sagardoa Route

Ohi duenez, Lamintxu Gazte Asanbladak sagardotegi batera irteera antolatu du martxoaren 15erako. Zein sagardotegira izango den zehaztu ez duen arren, izen-ematea abenduaren 15ean izango da, haurreskola ondoko lokalean.

Gazteen arteko elkarbizitza sustatzeko helburuz, hainbat ekintza antolatu ohi ditu Lamintxu Gazte Asanblada usansolotarrak urtean zehar. Oraingoan sagardotegira irteera egiteko aukera eskainiko du martxoaren 15ean.

Taldeak ez du zehaztu oraindik zein sagardotegira izango den irteera, baina izena emateko epea zehaztu du jada. Abenduaren 15ean izango da izena emateko hitzoruda, haurreskola ondoko lokalean, 18:00-19:00 ordutegian.

Izen emate horretan 20 euroko fiantza eman beharko da eta aurrerago, falta dena ordaintzeko, beste data bat jarriko dute. «Ahalik eta pertsona gehien joateko, denboragaz gure dogu antolatu», adierazi dute Lamintxutik.