ARGAZKIAK | Olatz Salvadorrek kantuan jarri zituen ehunka lagun atzo Galdakaon
TESTUA: Irati Alonso García
ARGAZKIAK: Ander Elordui
Emakumeen Nazioarteko Eguna ospatzeko Galdakaon antolatutako egitarau zabalaren baitan, Olatz Salvadorrek doako kontzertua eskaini zuen atzo Kurtzeko karpan. Abeslariak ehunka lagun jarri zituen kantuan eta han izan zen ere BINKE, 23 irudi hauek batzeko.
Gaur ospatzen ari den Emakumeen Nazioarteko Egunarekin bat egin du Galdakaok aurten ere, eta horretarako egitarau zabala antolatu dute Udalak eta herriko eragileek, BINKEk jaso zuen moduan.
Programa hilabete osoan zehar luzatuko da eta atzo esaterako, martxoak 7, Olatz Salvadorrek doako kontzertua eskaini zuen Kurtzeko plazan. Ehunka lagun batu ziren saioan eta abeslariak kantuan jarri zituen.
BINKE ere izan zen han eta hemen batu dugu honek utzitako giroaren 23 irudi:
