Usansolok bihar, abenduak 5, emango die hasiera Gabonei, herria apainduko dituzten argiak piztuz. Unkina plazan ekitaldi berezia antolatu dute 19:30ean.
Gutxi falta da ume eta nagusiek irrikaz itxaroten dituzten Gabonetarako. Ofizialki beranduago izango diren arren, Usansolon hasiera emango diete bihar.
Iaz egindako moduan, abenduaren 5ean piztuko dituzte Gabonetako argiak Usansolon eta ekitaldi berezia prestatu dute horretarako.
Unkina plazan bilduko dira usansolotarrak 19:30ean eta plazan kokatuta dagoen zuhaitz erraldoia piztuko du Udalak.
