Gu Dendari elkarteak, Galdakaoko Udalarekin lankidetzan, Outlet Gu Dendari ekimenaren edizio berri bat jarriko du martxan. Horren baitan, herriko saltokiek euren eskaintzak kalera aterako dituzte urriaren 2tik 10era.
Tokiko merkataritza sustatzeko eta herritarrei prezio berezietan produktuak eskuratzeko aukera eskaintzeko, Gu Dendari elkarteak, Galdakaoko Udalarekin lankidetzan, Outlet Gu Dendari ekimenaren edizio berri bat jarriko du martxan.
Kanpaina urriaren 2tik urriaren 10era egingo da. Horrela, herritarrek denbora gehiago izango dute parte hartzen duten saltokietara hurbiltzeko eta eskaintzak zein deskontuak aprobetxatzeko.
Egun horietan, kanpainarekin bat egin duten saltokiek merketutako produktuen aukeraketa bat eskainiko dute, eta Galdakaoko merkataritza guneak aukera erakusleiho bihurtuko dira berriro. Ekimenaren helburua «merkataritza txikiari ikusgarritasuna ematea, herrian erosketak sustatzea eta kale bizi eta dinamikoak izaten laguntzea da».
Gainera, aurtengo edizioak tokiko merkataritzaren alde egiten dutenentzako pizgarri berri bat izango du. Kanpainak irauten duen bitartean erosketak egiten dituzten pertsonek 50 euroko bost opari txartelen zozketan parte hartu ahal izango dute, Galdakaoko saltokietan erosten eta bertako merkataritza eskaintzaz gozatzen jarraitzeko.
‘Outlet Gu Dendari’ ekimenak, beste behin ere, tokiko merkataritzaren aniztasuna, kalitatea eta gertuko arreta balioan jarriko ditu, eta, aldi berean, produktuak prezio berezietan eskuratzeko aukera eskainiko du.
Parte hartzen duten saltokien zerrenda Gu Dendariren webgunean kontsultatu ahal izango da.
