Kirola
BINKE / 2022ko apirila

Iñaki Ibargarairen omenezko pilota partidak antolatu ditu Adiskidek

TESTUA: Naia Bergaretxe Sarria
ARGAZKIA: Baiko Pilotako sareak

Iñaki Ibargarai, Adiskide Pilota Elkarteko kide garrantzitsua izan zena, otsailean zendu zen. Omenaldia egiteko, pilota partidak antolatu dituzte elkartekoek Galdakaon, Oinatz Bengoetxea protagonista nagusia dela.

Maiatzaren 20an, barikua, 19:00etan Adiskidek pilota partidak antolatu ditu Iñaki Ibargarai zenaren omenez, non Bengoetxea VI.a profesional ohia izango den protagonista nagusi. Aurretik, 17:30ean, umeen partida bat eta gaztetxoen beste bat egongo dira eta ekitaldian zehar zozketa ezberdinak egingo dira.

Nagusien bi partida antolatu dira 19:00etan, lehenengoa Gorostiaga galdakoztarra eta Arroita Adiskideko kidea, Ariznabarreta eta Sainz galdakoztarren kontra; eta bigarrena, Bengoetxea VI leitzarra eta Ibarrondo klubeko kidea, Legorburu eta Carregal galdakoztarren kontra.

Aurretik, esan bezala, beste bi partida jokatuko dira: umeena —Agirre eta Vilariño, Bilbao eta Intxaurzaren kontra—, eta gaztetxoena —Ibargarai eta Zearra, Ulibarri eta Arruizen kontra—. Beñat Zearra gainera, Oier Zearra pilotari profesional galdakoztarra zenaren semea, Gasteiztik etorriko da.

Sarrerak Kurtzeko frontoiko tabernan erosi ahalko dira aldez aurretik, hain zuzen ere, maiatzaren 16ko 17:00etatik aurrera 5€ko prezioan. Gainera, partidetan zehar zozketak ere egingo dira: bost sari zozkatuko dira guztira.

Hauek dira zozkatuko diren sariak:

• Profesionalen kamiseta bat.
• Dendari Elkarteak eskainitako 50 euroko bi bonu.
• Elexalde Sagardotegiak eskainitako bi menu.
• Roquechar dendak prestatutako produktu-sail bat.
• Oinatz Bengoetxeak sinatutako pilotak.

Albiste honekin lotuta…