Kultura
BINKE / 2022ko maiatza

Udaberriko Sormene maiatzaren 12an hasiko da

TESTUA: Naia Bergaretxe Sarria
ARGAZKIAK: Artisten sareetatik

Aurtengo udaberriko Sormene datorren astean hasiko da Galdakaon, maiatzaren 12an. Hemen batu ditu Binkek jaialdiaren nondik norakoak, helburuak, edukiak eta egitarau osoa egunez egun.

Sormene jaialdiaren zutabeak «sormena, plazak, komunikazioa eta transmisioa» izanik eta oinarri izanda lau lan-ildo hauetatik kezka gehien sortzen duena Euskal Herrian transmisioa dela, udaberri honetako saiorako bi helburu zehatz jarri dituzte antolatzaileek: «Euskarazko kulturgintzaren transmisioa bermatzeko oinarriak jartzea eta emakume sortzaileen lana erdigunera ekartzea».

Euskaraz sortzeko grina sustatu nahi dute, eta hori irakatsi eta transmititzeko, euskaraz sortzen diren hainbat eduki kultural nola sortzen diren erakutsiko dute datorren astetik hasita eta maiatzaren amaierara bitartean. Horrez gain, udazkenean «beste agerpen publiko bat» egingo dutela iragarri du Gotzon Barandiaranek.

2022ko udaberriko Sormene antolatzeko eta ondoko egitaraua aurrera eramateko, hurrengo eragileak izan dira Sormene taldearekin elkarlanean: Galdakaoko ikastetxeak —antzerki eta musika tailerretarako—, Udalbiltza —Geuretik Sortuak egitasmoarekin— , Ahotsenea eta Literaturia —liburu eta disko berrien aurkezpenekin—, argitaletxe, disketxe, idazle, musikari eta Galdakaoko beste zenbait talderekin. Antolakuntzaren ardura osoa berriz, Galdakaoko Udalarena da, Alboka eta Dijitalidadea taldeen ekoizpen-lanekin batera.

Hemen batu ditu Binkek egunez egun antolatuko direnak:

Maiatzak 12, eguena
Kurtzeko plazan
10:15 eta 12:00. Ikastetxeentzako tailerrak: Antzerkia. Formol Laborategia konpainia.
20:00. Bidaide anzterkia. Metrokoadroka konpainia —Geuretik Sortuak egitasmoarekin elkarlanean—.

Maiatzak 13, barikua
Kurtzeko plazan
10:15 eta 12:00. Ikastetxeentzako tailerrak: Musika. #Mauriziakezdauinorhil. Ines Osinaga, Lorea Argarate eta Olatz Salvador.
18:00 – 20:30. Disko berrien aurkezpenak —30 minutuko saioak—. Ahotsenearekin elkarlanean.
21:00. #Mauriziakezdauinorhil ikuskizuna. Ines Osinaga, Lorea Argarate eta Olatz Salvador.

Maiatzak 14, zapatua
Kurtzeko plazan eta Gandasegiko aterpean.
11:00 – 14:30. Kultur Sorkuntzen Azoka.
12:00 – 14:30. Liburu berrien aurkezpenak —30 minutuko saioak—. Ahotsenearekin elkarlanean.
17:00 – 20:30. Kultur Sorkuntzen Azoka.
18:00 – 22:00. Disko berrien aurkezpenak —30 minutuko saioak—. Ahotsenearekin elkarlanean.

Maiatzak 15, domeka
Kurtzeko plazan eta Gandasegiko aterpean.
13:30. Izarren izarrak. Juan Karlos Irizarri omenaldia.
Da Capo, Galdakaoko Musika Banda.
Ad Libitum, Galdakaoko Txistulari Banda.
Maximo Moreno Musika eskolako abesbatza.

Maiatzak 27, barikua
Torrezabal Kultur Etxean
11:30. Album antzezlana ikasleentzat. Formol Laborategia konpainia.
20:00. Album antzezlana publiko ororentzat. Formol Laborategia konpainia.

Albiste honekin lotuta…