Bihar estreinatuko den Erlojupekoa filmaren lehen fotogramak ditugu
Ikus-entzunezkoa
BINKE / 2022ko ekaina
Bihar estreinatuko den Erlojupekoa filmaren lehen fotogramak ditugu
TESTUA: Erredakzioa
ARGAZKIAK: Bira Produkzioak
Bihar estreinatuko da, 19:00etan, Galdakaon grabatutako Erlojupekoa film laburra, «Bost teilatu» film kolektiboaren barne eta Udalbiltzaren ekimenez. Bada, film honetan agertuko diren lau fotograma aurreratu dizkiote esklusiban Bira ekoizpen etxekoek Binkeri.
Binkek aurreratu bezala, eguen honetan dira Galdakaon grabatutako Erlojupekoa film laburra Torrezabal Kultur Etxean eskaintzekoak, eta bertan ageriko diren lehenengo irudiak esklusiban jaso ditu hedabide honek.
«Bost teilatu» film kolektiboaren parte izango da Erlojupekoa, eta bertako grabaketan dozenaka usansolotar eta galdakoztarrek hartu zuten parte. Emaitzaz eguenean, ekainak 9, gozatu ahal izango da Galdakaoko Torrezabal Kultur Etxeko berotasunean, 19:00etan.
Sarrera doakoa izango da, eta emankizunaren ostean egileekin zein parte-hartzaileekin solasteko aukera ere eskainiko da kultur etxeko areto berean.
Aurretik baina, Bira Produkzioak talde egileko kideek film laburraren lehenengo lau irudiak argitaratzeko baimena eskaini diote Binkeri. Honatx aurrerapena:
