Arantza Gallastegi galdakoztarrak aurreko denboraldiko epaile onenaren saria jaso du
TESTUA: Irati Alonso García
ARGAZKIA: Marca
Marca hedabideak denboraldi bakoitzeko futbol epailerik onenak aukeratzen ditu, urtean zehar arbitratu dituzten partidetan egindako lana aztertuz. Oraingoan Arantza Gallastegi galdakoztarra emakumeen Lehen Mailako 2021-22 denboraldiko epailerik onena izendatu dute.
Emakume kirolariak saritzen dituen ekitaldia ospatu zuen atzo Marca hedabideak, futbol, saskibaloi eta beste hainbat kiroletako profesionalak batu zituela Bartzelonan. Haien artean izan zen Arantza Gallastegi galdakoztarra, Primera Iberdrola ligako 2021-22 denboraldiko epaile onenaren saria jaso zuela.
Bere garaian Messik urrezko bota bat jaso zuen eszenatoki berean izan zen epailea, hainbat izarrekin batera. Besteak beste, Geyse Ferreira eta Asisat Oshoala futbolariak, ‘Pichichi’ saria jaso zutenak; Elene Lete, emakumeen arteko ‘Zamora’ saria eta Salma Paralluelo, pasa den denboraldiko golik onena lortu zuen jokalaria.
Arantza Gallastegi zazpi urterekin hasi zen gurasoei futbolean jokatu nahi zuela esaten, Binkek argitatutako elkarrizketan aitortu zuen moduan. Jolastu ostean, epaile moduan hasi zen eta egun emakumeen Lehen Mailan aritzen da.
