ARGAZKIAK | Galdakao Futbol Taldeko neskek Lehen Mailara igoera ospatu zuten
TESTUA: Irati Alonso García
ARGAZKIAK: Peio Zamalloa
Galdakao Futbol Taldeko neskek ospakizun eguna izan zuten zapatuan, aurreko astean Lehen Mailara igoera lortu ostean. Herrian zehar ospatu zuten igoera, kamioi batean igota egindako ibilbidean. Ostean, Iñigo Hernando alkateak harrera egin zien udaletxean. Hemen batu ditugu ospakizunetako irudi batzuk.
Lurraldeko Lehenengo Mailara igotzea lortu dute Galdakao Futbol Taldeko emakumeek, apirilaren 29ean Peña Athletic Santurtzi B taldeari 3-1 irabazi ostean. Denboraldia amaitzeko bi partidaren faltan, helburua lortu zuten neskek eta Santa Barbara futbol zelaian ospatu zuten. Baita Santi Brouard enparantzan eta Gipuzkoa kalean ere, Binkek jaso zuen moduan.
Zapatuan, maiatzak 6, ospakizunekin jarraitu zuen Galdakao Futbol Taldeko emakumeen taldeak. Kamioi batean igo ziren herrian zehar igoera ospatzeko. Santa Barbaran hasi zuten ibilbidea eta udaletxean amaitu zuten. Han Iñigo Hernando alkateak harrera egin zien eta herriari eskaini zioten lorpena.
Ospakizunetan izan zen Binke eta hemen batu ditugu argazki batzuk:
