ARGAZKIAK | San Silvestreko lasterketa herrikoia 44 iruditan
TESTUA: Jon Gomez Garai
ARGAZKIAK: Peio Zamalloa
Gabonzahar zirkuituaren urteroko hitzorduak ehunka lagun batu zituen atzo ere, urteko azken egunean Juan Bautista Uriarte eta Zamakoa kale galdakoztarren artean korrika egiteko. Zortzi kategoriatan banatu ziren atzoko parte-hartzeak, eta kategoria herrikoia izan zen jendetsuena. Bertan izan zen BINKE ondoko 44 argazkiak batzeko.
Galdakaoko Gabonzaharretako San Silvestre zirkuitua urteroko protagonista da abenduaren 31n. Eta aspaldiko protagonista izan ere, Euskal Herriko eta espainiar estatuko San Silvestre lasterketarik zaharrena delako, egunotan BINKEk kontatu duen bezala, Galdakao Atletismo Taldeak Udalaren laguntzarekin
Urteko azken eguneko kirol-proba zortzi kategoriatan banatu zen atzo Galdakaon: 16:25ean haurren korrikaldiarekin hasi eta 18:30 pasatxoan emakumeen zein gizonen kategoria absolutuekin amaituta. Tartean izan ziren paralinpiko egokituak —iaz lehenengoz—, kadeteak, jubenilak, juniorrak, beteranoak… eta lasterketa jendetsuena izaten den kategoria herrikoia.
Guztien irteeren irudiak bideoz batu zituen BINKEk bere Twitter eta Instagram sareetan, baina baita lasterketa herrikoiaren argazkiak ere.
