Bengoetxeko hiru ikaslek Gurot tribial lehiaketaren finalean parte hartuko dute gaur, San Mamesen

TESTUA: Irati Alonso García
ARGAZKIA: Gurot

Gurot tribial lehiaketaren finala gaur, apirilak 4, arratsaldean lehiatuko da San Mameseko Ipar Aretoan eta bertan 14 taldek parte hartuko du. Lehiakideen artean Galdakaon txapelketa irabazi duen Power of Batxi taldea izango da, Bengoetxeko Keira Martin, Maider Larrea eta Eider Gonzalez ikasleek osatutakoa.

Otsailean abiatu zen gazteentzako Gurot tribial interaktibo lehiaketa taldekako modalitatean eta Bizkaiko hainbat herrietako 12 eta 18 urte arteko gazteak hirukoteka lehiatu dira jolas interaktibo horretan era askotariko galderei erantzunez.

Galdakaon parte hartu duten taldeen artean Keira Martinez, Maider Larrea eta Eider Gonzalez Bengoetxeko ikasleak izan dira irabazleak, 521.850 punturekin.

Hainbat sari jaso ditu Power of Batxi izeneko talde irabazleak eta Gurot lehiaketaren finalean parte hartuko du ere, beste 14 talderekin batera. Gaur izango da, apirilak 4, San Mames futbol zelaiko Ipar Aretoan 18:00etatik aurrera.

Lehenengo zazpi taldek lehiatuko dute hamar galdera erantzunez eta hauetako bi ostean egingo den final handirako sailkatuko dira. Ondoren beste zazpi taldek berdina egingo dute eta beste bi sailkatuko dira final handira.

Final handi honetako talde garaileak Salou eta Port Aventurara bidaia, alojamendua eta parkerako sarrerak irabaziko ditu; bigarrenak, Madril eta bertako Warner parkera; hirugarrenak, Toledoko Puy du Fou ikuskizunerako sarrerak eta alojamendua; eta, laugarrenak, Athletic Club Museorako sarrerak jasoko ditu.

Bestetik, Galdakaoko bigarren sailkatu da Eguzkiloreak, Izaro Luque, June Garcia eta Aitana Arenas ikasleek osatuta. Hauek ere Bengoetxeko ikasleak dira eta 115.200 puntu lortu dituzte. Sari bezala, Power of Batxi eta Eguzkiloreak taldeko kideek Zeid Fest jaialdirako sarrerak irabazi dituzte.