Divenire dantza eskolak kurtso amaierako jaialdia antolatuko du Torrezabalen
TESTUA: Irati Alonso García
ARGAZKIA: Peio Zamalloa
Kurtso amaierako jaialdia antolatuko du Divenire dantza eskolak zapatuan, ekainak 17, Torrezabal Kultur Etxean. Hitzorduan eskolako 80 ikasle inguruk parte hartuko dute eta sarrerak honezkero eskuragai daude.
Divenire dantza eskola galdakoztarrak amaiera borobila eman nahi dio ikasturteari. Entsegu eta emanaldi askoren ostean, ospatzeko unea helduko zaie dantza ikasleei eta horretarako jaialdia antolatuko du eskolak.
Torrezabal Kultur Etxean kurtso bukaerako jaialdia eskainiko du Divenire dantza eskolak zapatuan, ekainak 17, 17:30ean. Orotara, 80 ikasle inguru batuko dira eta talde bakoitzak urtean zehar ikasitakoa erakutsiko du.
Sarrerak eskuragai daude honezkero eta bi modutan lortu daitezke: 605115756 telefono zenbakian edo Agirre Lehendakaria, 5 helbidean.
