Jaia
BINKE / 2022ko ekaina

Artetako jaiak uztailaren 9an ospatuko dira

TESTUA: Naia Bergaretxe Sarria
ARGAZKIA: Galdakaoko Udala

Datorren zapatuan, uztailaren 9an, Usansoloko Arteta auzoko jaiak ospatuko dira hainbat txapelketa eta ekintzarekin. Hemen batu du Binkek egun osoko egitaraua!

Bueltan dira Arteta auzo usansolotarreko jaiak, eta hurrengo zapatuan ospatuko dira, uztailaren 9an. Egun osoan zehar giroa sortuko duten txapelketa eta ekintza ezberdinak antolatu dituzte Usansoloko Jai Batzordeko kideek, eta Oinarinen dantza emanaldiaz gain, jaia amaitzeko, erromeria izango da Lontxo taldearekin.

Hemen batu ditu Binkek egun osoan egingo dire ekintza guztiak:

Uztailak 9, zapatua
10:00. Paella txapelketaren hasiera
12:00. Oinarin Dantzari Taldearen dantza emanaldia
12:30. Txistorrada
13:00. Herri kirolak
14:30. Paella aurkeztu eta sari banaketa
15:00. Herri bazkaria
16:00. Umeentzako puzgarriak eta jolasak
17:00. Igel txapelketa
17:30. Mus eta briska txapelketak
18:30. Tiragomas txapelketa
19:30. Txapelketen sari banaketak
20:30. Erromeria Lontxo taldearen eskutik