EH Bilduk Iñigo Hernando proposatu du alderdiaren Mahai Politikoko kide izateko
TESTUA: Irati Alonso García
ARGAZKIA: BINKE
EH Bilduk 37 kide proposatu ditu alderdiaren Mahai Politiko berria osatzeko, haien artean Iñigo Hernando Galdakaoko alkatea. Proposamenak egiteko, «adina, herrialdea, generoa eta esperientzia» izan ditu kontuan.
EH Bilduren egungo Mahai Politikoak alderdiaren hurrengo zuzendaritza nazionala osatzeko kideak proposatu ditu. Mahai Politiko berria 37 pertsonek osatuko dute guztira eta hauetako 11 organo honen berezko kideak dira.
Kide berriei dagokienez, alderdiko 26 pertsona proposatu ditu egungo zuzendaritzak, haien artean Iñigo Hernando Galdakaoko alkatea. «Adina, herrialdea, generoa eta esperientzia» izan dituzte kontuan proposamenak egiterako orduan eta alderdiaren webgunean ezagutu daiteke zerrenda osoa.
Otsailaren 6a eta 8a bitartean egingo den bozketa prozesuan aukeratuko dira Mahai Politiko berriko kideak eta kargua uzten duen zuzendaritzak egindako proposamen ofizialista honetaz gain, hautagaitza alternatiboak aurkezteko aukera dago.
