‘El bar nuestro de cada día’ obra aurkeztuko du Chipi La Canallak Torrezabalen
TESTUA: Irati Alonso García
ARGAZKIA: Lolo Vasco
Torrezabal Kultur Etxeak ‘El bar nuestro de cada día’ bakarrizketa musikala hartuko du gaur, urtarrilak 31, Chipi La Canallaren eskutik. Obra ikuskizunik onena izan zen Palma del Ríoko Arte Eszenikoen 41. jaialdian.
Tabernak aisialdirako leku gisa ez ezik, bizitza eta geure burua gurtzeko leku gisa adierazten ditu Chipi La Canallak ‘El bar nuestro de cada día’ obran. Ikuskizun hau umorezko bakarrizketa da, eta musika, antzerkia eta hitzaldiak uztartzen ditu.
Honetan, Chipik, eguneroko gure tabernako zerbitzariak, Malandro izeneko ohiko bezeroaren azken borondatea bete beharko du, nahiago izan baitu tabernan festa bat ordainduta utzi beilatokiko ohiko ehorzketa bat baino.
Saioa 20:00etan izango da eta sarrerak eskuragai daude ohiko webgunean 9 eta 12 euro arteko prezioan.
