Galdakaoko EAJk ekitaldia egingo du bihar Elixabete Etxanobe eta Itxaso Atutxarekin batera

TESTUA: Irati Alonso García
ARGAZKIA: Binke

Galdakaoko EAJ-PNVk udal-hauteskundeen kanpaina ekitaldia egingo du bihar Iturrondo plazan. Ainhoa Agirregoikoa alderdiaren alkategaia, Elixabete Etxanobe Bizkaiko Batzar Nagusietarako hautagaia eta Itxaso Atutxa BBBko presidentea izango dira hitzorduko hizlariak.

Ate joka daude Hego Euskal Herrian domekan, maiatzak 28, antolatuko diren foru- eta udal-hauteskundeak. Galdakaoko alderdiak ekitaldiak egiten ari dira egun hauetan zehar herriko hainbat txokoetan, tartean EAJ-PNV.

Ainhoa Agirregoikoak, alderdiaren alkategaiak, jeltzaleen proposamenak azalduko ditu bihar Iturrondo plazan, 19:30ean. Harekin batera izango dira Elixabete Etxanobe Bizkaiko Batzar Nagusietarako hautagaia eta Itxaso Atutxa Bizkai Buru Batzarreko presidentea.

Hitzorduan «etorkizunari begira» aurerra eraman nahi dituzten proiektuen inguruan arituko dira hiru emakumeak.