![](https://binke.eus/wp-content/uploads/2023/12/BINKE-FB-garbigune-mugikorra-web-660x400.jpg)
Garbigune mugikorra ezarri dute Ardanza parkean abuztuaren 6ra bitarte
TESTUA: Irati Alonso García
ARGAZKIA: Bizkaiko Foru Aldundia
Bizkaiko Foru Aldundiaren garbigune mugikorra ezarri dute Ardanza parkean. Abuztuaren 6ra arte egongo da eta albiste honetan batu dugu bota ahal diren hondakinen zerrenda.
Abuztuaren 6 bitarte hainbat motatako hondakinak bota ahal izango dira Galdakaon, zehazki, Ardanza parkean. Han jarri dute garbigune mugikorra eta honako hondakinak bota ahal izango dira honetan:
- Etxeko tresna txikiak
- Sukaldeko tresnak
- Etxeko olioa ontzi itxietan
- Telefono mugikorrak
- Kableak
- Pinturak eta disolbatzaileak
- Aerosolak
- Kutsatutako xurgatzaileak
- Tonerrak
- Tinta kartutxoak
- Metalezko kapsulak
- Plastikozko kapsulak
- Pilak
- CDak, DVDak eta kaseteak
- Erradiografiak
Udalak herritarrei gogorarazi die badagoela garbigune mugikor bat etenik gabe herrian, aste eta egunen arabera gunez aldatzen dena:
- Hileko 1. asteko astelehen, astearte eta asteazkenetan, Aperribaiko liburutegi inguruan
- Hileko 1. asteko ostegun, ostiral, larunbat eta igandetan, Sixta Barrenetxean
- Hileko 2. asteko astelehen, astearte eta asteazkenetan, Urreta parkean
- Hileko 2. asteko ostegun, ostiral, larunbat eta igandetan, Fray Romualdon, kiroldegiko alboan
- Hileko 3. asteko astelehen, astearte eta asteazkenetan, Berezikoetxen
- Hileko 3. asteko ostegun, ostiral, larunbat eta igandetan, Agirre Lehendakariaren plazan
- Hileko 4. asteko astelehen, astearte eta asteazkenetan, Ardanza Lehendakariaren plazan
Bestalde, bilketarako minipuntuetan cd eta dvd-ak, inprimagailuetarako kartutxoak, pilak, plastikozko tapoiak, telefono mugikorrak eta kontsumo baxuko bonbillak jasotzen dira, eta baita tamaina txikiko aparatu elektriko eta elektronikoen hondakinak ere: kalkulagailuak, telekomandoak, bizar-makina elektrikoen modukoak etab. Honako lekuetan daude bilketarako minipuntuak, egonkorki:
- Aperribaiko HI inguruan
- Sixta Barrenetxean, Zuatzuaurre parean
- Bizkai kalean, kiroldegiaren ondoan
- Juan Bautista Uriarte kaleak Zamakoarekin bat egiten duen gunean
Tamaina handiko hondakinen bilketa ere egiten du Udalak, aurrez abisatuta. 944 256 720 telefono zenbakira deitu behar da aurretuk, eta bertan adieraziko da zein egunetan batuko diren bota nahi diren hondakin handiak.