Gaurtik aurrera Txomin Egileor kaleko autobus geltokia lekuz aldatuko da
Mugikortasuna
BINKE / 2022ko maiatza
Gaurtik aurrera Txomin Egileor kaleko autobus geltokia lekuz aldatuko da
TESTUA: Erredakzioa
ARGAZKIA: Bizkaibus
Gaurtik aurrera aldatu egingo dute Merkadillo zubiaren parean, Txomin Egileor kalean, dagoen autobus geltokia. Bertako lanek eragin dute aldaketa. Aldaketa hau zein lineatan, zenbat eta noiz arte egingo den ondoko albistean batu dugu.
Joan den astean iragarri zuen Bizkaibusek bere sareetatik: gaurtik aurrera, maiatzak 16 astelehena, Txomin Egileor kaleko geralekuetariko bat lekuz aldatu behar zutela. Bertan egiten ari diren Ibaizabal bideratzeko lanek eragin dute aldaketa, eta erabiltzaileei adi egoteko eskatu die Bizkaibusek.
Aldaketa izango duten lineak A3631 eta A3641 izango dira, eta 50 metroko lekualdatzea baino ez dute ekarri, baina jendea nahastera eraman dezake aldaketok. Merkadillo zubiaren parean zegoen autobus geltokia da, hain zuzen, aldaketa sufrituko duena.
Eta noiz arte? Data zehatzik ez du Bizkaibusek zehaztu, bertako lanak amaitu arte egon beharko duelako Zuhatzu eta Arkotxa arteko geraleku honek toki berrian, Bilbo eta Arrigorriaga norabideetan.
