Ibaizabal Saskibaloi Taldeak Lehen Mailako Kopako finala jokatuko du
TESTUA: Irati Alonso García
ARGAZKIA: Ibaizabal Saskibaloi Taldearen sareetatik
Ibaizabal Saskibaloi Taldeko mutilek Lehen Mailako Kopako finalerdia irabazi zuten pasa den eguenean Ardoi talde nafarraren kontra eta finala jokatuko dute Valle de Egüésen aurka. Partida 2024ko lehen asteburuan izango da eta lekua hurrengo asteetan zehaztuko da.
Ibaizabal Saskibaloi Taldeko mutilek Lehen Mailako Kopako finalerdia irabazi zuten pasa den eguenean, urriak 12, Ardoi talde nafarraren kontra. Galdakoztarrek 68-69 irabazi zuten, azken jokaldian erabaki zen partidan.
Garaipen honi esker Ibaizabaleko mutilek 1. Mailako Kopako finala jokatuko dute 2024ko lehen asteburuan Valle de Egüésen aurka. Nafarrek 73-68 irabazi zioten La Salleri.
Ibaizabal Saskibaloi Taldeak jakinarazi duenez, hurrengo asteetan erabakiko da finala non jokatuko den.
