Ibaizabal Saskibaloi Taldeko Iker Villota ligako jokalari onena izendatu dute
TESTUA: Irati Alonso García
ARGAZKIA: Binke
Saskibaloi entrenatzaileek denboraldi bakoitzeko jokalari onena bozkatzen dute. Bigarren mailan aurten liga irabazi duen Ibaizabal Saskibaloi Talde galdakoztarreko Iker Villota aukeratu dute, urte osoan zehar egindako lanagatik.
Ibaizabal Saskibaloi Talde galdakoztarreko mutilek Lehen Mailara igotzea lortu dute, maiatzaren 9an Urretan Berri-Otxoaren kontra 82-53 irabazi ostean. Binkek jaso zuen moduan, jardunaldi horretan liga amaituta egon ez arren, helburua lortu zuten.
Talde lana garrantzitsua izan da igoera lortzeko baina jokalari bakoitzaren esfortsua ere. Ildo honetan, saskibaloi entrenatzaileek Iker Villotaren lana goraipatu nahi izan dute eta ligako jokalari onena izendatu dute. Urtero egiten dute bozketa maila bakoitzeko entrenatzaileek eta aurten Villota hautatu dute MVP.
Aurten, bataz beste, Villotak 31 minutu jokatu eta 16 puntu sartu ditu partida bakoitzean. «Zorionak egindako lanagatik!», adierazi dute Ibaizabal Saskibaloi Taldetik.
