Euskaltzaindia
BINKE / 2021eko abendua
Jesus Eguzkitza «Eguzki» ohorezko euskaltzain izendatu dute
TESTUA: Jon Gomez Garai
ARGAZKIA: Gure Esku Galdakao
Iruñean egindako Osoko Bilkuran 19 euskaltzain urgazle eta 26 ohorezko izendatu zituen Euskaltzaindiak. Ohorezkoen artean, Galdakaon 46 urte daramatzan Jesus Eguzkitza «Eguzki».
Euskaltzaindiak 19 euskaltzain urgazle eta 26 ohorezko izendatu zituen, azaroaren 26an Iruñean egindako Osoko Bilkuran, tartean Galdakaon bizitzen 46 urte daramatzan Jesus Eguzkitza (Atxondo, 1946) bikoizle eta aurkezle oiha.
«Eguzki» laburduraz ezaguna den herrikideak ohorezko euskaltzainaren izendapena jaso du euskara arautzeaz arduratzen den Akademiaren bitartez. Ezusteko atseginez hartu du berria, Binkeri kontatu dionez. Dena dela, euskaltzain urgazleek Euskaltzaindiaren egituran parte hartzeko beharra badute ere, ohorezkoek ez dute behar berezirik izaten, «gure aitzatespena jasotzeko izendapen bat baino ez da», azaldu dio Euskaltzaindiak hedabide honi.
Aurretik euskaltzain urgazle dira Manu Etxebarria (Zeberio, 1948) eta Asier Bidart (Galdakao, 1973) herrikideak.
Eta Eguzkirekin batera ohorezko 26 euskaltzain eta 19 urgazle hauek izendatu berri ditu:
Ohorezko euskaltzain berriak
Bizkaia: Antton Aldekoa-Otalora (Iurreta, 1951); Pilare Baraiazarra (Meñaka, 1938); Jesus Eguzkitza (Atxondo, 1946); Juan Luis Goikoetxea (Mungia, 1947); Lontzo Zugazaga (Gamiz, 1943).
Gipuzkoa: Luis Alberto Aranberri Amatiño (Eibar, 1945); Itziar Idiazabal (Gaintza, 1949); Anjel Lertxundi (Orio, 1959); Xabier Mendiguren Bereziartu (Ezkio-Itsaso, 1945); Jose Antonio Mujika (Donostia, 1943); Ramon Saizarbitoria (Donostia, 1944); Josu Zabaleta (Legazpi, 1948).
Nafarroa: Manolo Arozena (Goizueta, 1949); Carlos Garaikoetxea (Iruñea, 1938); Maria Pilar Lasarte (Leitza, 1937); Daniel Lopez (Ablitas, 1948); Rosa Miren Pagola (Iruñea, 1949); Pakita Zabaleta (Leitza, 1948).
Ipar Euskal Herria: Piarres Aintziart (Heleta, 1937); Luzien Etxezaharreta (Hazparne, 1946); Daniel Landart (Donoztiri, 1946); Mixel Oronoz (Baigorri, 1935); Marikita Tambourin (Baigorri, 1946).
Euskal Herritik kanpokoak: Bernhard Hurch (Schärding/Inn, Austria, 1955); José Antonio Pascual (Salamanca, 1957); José María Sánchez Txepetx (Cartagena, 1952).
Euskaltzain urgazle berriak
Bizkaia: Libe Agirre (Meñaka, 1961); Eneko Barrutia (Bilbo, 1966); Eba Gaminde (Bilbo, 1968); Pedro Maria Goikoetxea (Lezama, 1959); Nerea Mujika (Durango, 1960); Elixabete Piñol (Bilbo, 1965).
Gipuzkoa: Kike Amonarriz (Tolosa, 1961); Nerea Azurmendi (Legazpi, 1961); Asun Garikano (Tolosa, 1962); Aizpea Goenaga (Donostia, 1959); Oroitz Jauregi (Legorreta, 1974); Jon Sarasua (Aretxabaleta, 1996).
Ipar Euskal Herria: Mixel Aurnague (Baigorri, 1963); Eneko Bidegain (Baiona, 1975); Itxaro Borda (Oragarre, 1959); Pantxoa Etxegoin (Jatsu, 1960); Marie-Andrée Ouret (Suhuskune, 1970).
Euskal Herritik kanpokoak: Manuel González (Beba –Mazaricos−, A Coruña, 1951); Mikel Morris (Denver, Colorado, AEB, 1957).