Logela Multimedia konpainiak ‘Anbotoko Mari’ antzezlan multimedia eskainiko du Torrezabalen

TESTUA: Irati Alonso García
ARGAZKIA: Logela Multimedia

Zapatuan, irailak 30, Logela Multimedia konpainiak ‘Anbotoko Mari’ antzezlan multimedia eskainiko du Torrezabalen. Ikuskizuna 18:00etan hasiko da eta antzerkia, bideo-animazioa, interakzioa eta musika uztartuko ditu.

Gari, mutiko zoro bat, lagunekin haserretu eta bakarrik abiatuko da Anbotora. Mariren haitzuloan sartu eta harri magiko bat aurkituko du. Harria bertan uzteko esaten dion ahotsari kasurik egin gabe, lapurtu eta alde egingo du, harria lagunei erakusteko asmoarekin.

Anbotoko Mari atzetik abiatuko zaio mendirik mendi eta Garik gero eta magia txoroagoak egingo ditu harriarekin, Marik harrapa ez dezan. Marik Tartaloren, iratxoen eta beste jeinu batzuen laguntza eskatu beharko du harria berreskuratzeko.

Abiapuntu honekin, Logela Multimedia konpainiak ‘Anbotoko Mari’ antzezlana eskainiko du zapatuan, irailak 30, Torrezabal Kultur Etxean. Ikuskizuna 12:00etan hasiko da eta antzerkia, bideo-animazioa, interakzioa eta musika uztartuko ditu Imanol Garaizabalen zuzendaritzapean. Aktoreak Eneritz Garcia, Unai Eleizalde eta Ander Garaizabal izango dira.

Sarrerak eskuragai daude 4 eta 6 euro arteko prezioan Torrezabal Kultur Etxeko lehiatilan eta Udalaren webgunean.