San Juan bezpera ospatzeko ekintzak antolatuko dituzte Galdakaon domekan
TESTUA: Irati Alonso García
ARGAZKIA: SanJuanadas
Urtero moduan, San Juan bezpera ospatuko da Galdakaon domekan, ekainak 23, eta hainbat ekintza izango dira herrian zehar. Besteak beste, umeentzako jokoak, dantza ikuskizuna eta erromeria antolatu dituzte. Albiste honetan batu ditugu ekintza guztiak.
Gutxi falta da uda heltzeko eta hau ospatzeko San Juan bezpera antolatu ohi da ekainaren 23an. Galdakaon urtero ekintzak egiten dituzte egun honetan, domekaz, eta aurten ere hainbat jarduera eskainiko dituzte.
Hemen batu ditugu Galdakaon egingo diren ekintza guztiak:
Santi Brouard enparantzan
22:00 San Juan suaren bueltan, erritualak eta konjuruak, ume jokoak, sanjuanetako kantuak,
eta erromeria, Andra Mari Dantza Taldeak antolatuta
Muguruko landan
22:30 Dantza ikuskizuna: ‘San Juanetako taupadak’, Taupadak Dantza Eskolak eta Zizpa
Gazte Asanbladak antolatuta
22:45 San Juan gaua: San Juan sua, txokolatada eta San Juan ura. Zizpa Gazte Asanbladak
antolatuta
23:00 Erromeria Gauegun taldearekin
