Sare Sagredok zilarrezko domina lortu zuen Bizkaiko Taekwondo Kopan
TESTUA: Irati Alonso García
ARGAZKIA: Urreta Taekwondo Taldea
Urtarrilaren 11n Bizkaiko Kopa antolatu zuen Bilbon Bizkaiko Taekwondo Federazioak eta honetan parte hartu zuen Urreta Taekwondo Talde galdakoztarrak. Lau kide izan ziren hitzorduan eta Sare Sagredok zilarrezko domina lortu zuen.
Bizkaiko Taekwondo Federazioak lehen aldiz antolatu zuen Bizkaiko Kopa urtarrilaren 11n Bilbon, Espainiako, Frantziako eta Portugaleko taldeekin. Ehunka gazte batu ziren hitzorduan, haien artean Urreta Taekwondo Taldekoak.
Lau kide izan ziren txapelketan eta Sare Sagredok (eskuinetik hasita bigarrena) zilarrezko domina lortu zuen kadete mailan.
Ager Estebanek, Peio Fernandezek, Oier Palmak ere parte hartu zuten Bizkaiko Koparen lehen edizioan baina ezin izan zituzten final-laurdenak gainditu.
