Trenak pertsona bat harrapatu du Basaurin eta ondorioz Euskotrenek zerbitzua eten du
TESTUA: Irati Alonso García
ARGAZKIA: Euskotren
Trenak pertsona bat harrapatu du Arizko geltokian, Bizkaiko suhiltzaileek jakinarazi dutenez. Horren ondorioz, Euskotrenek Etxebarri eta Usansolo arteko tren zerbitzua eten du eta autobusez eskaintzen ari da.
Goizeko 7:00ak inguru tren batek pertsona bat harrapatu du Arizko geltokian, Bizkaiko suhiltzaileek jakinarazi dutenez. Honen ondorioz, Euskotrenek Etxebarri eta Usansolo arteko tren zerbitzua eten behar izan du.
Momentuz, zerbitzua autobusez eskaintzen ari dela jakinarazi du Euskotrenek eta Segurtasun Saila gertakaria aztertzen ari da.
Datu gehiago ezagutzean hauen berri emango du Binkek.
