Urreta Taekwondo Taldeak zortzi domina lortu zituen Euskadiko Pomsae Txapelketan

TESTUA: Irati Alonso García
ARGAZKIA: Urreta Taekwondo Taldea

Urtarrilaren 18an Euskadiko Pomsae Txapelketa antolatu zen Bilbon eta honetan parte hartu zuen Urreta Taekwondo Taldeak. Klub galdakoztarrak zortzi domina lortu zituen: urrezko hiru, zilarrezko hiru eta brontzezko bi.

Bilboko Miribilla kiroldegiak Euskadiko Taekwondo Pomsae Txapelketa hartu zuen urtarrilaren 18an eta ehunka kirolari batu ziren hitzorduan, haien artean Urreta Taekwondo Taldeko zenbait kide.

Taldeak zortzi domina lortu zituen guztira: urrezko hiru, zilarrezko hiru eta brontzezko bi. Hemen batu ditugu irabazleen izenak:

· Urrezkoak:
Itxaso Hernandez, Senior 1 kategorian
Leire Doncel, Senior 2 kategorian
Nahia Gonzalez, haurren kategorian

· Zilarrezkoak:
Maren Aierdi, haurren kategorian
June eta Kaiet, haur bikoteen kategorian
Ivan eta Laia, kadete bikoteen kategorian

· Brontzezkoak:
Ivan Gallardo, junior kategorian
Hodei Huete, junior kategorian