Aisialdia
BINKE / 2022ko apirila

Zabalik dago udalekuetan izena emateko epea Aperribaien, Usansolon eta Galdakaon

TESTUA: Erredakzioa
ARGAZKIA: Galdakaoko Udala

Atzo zabaldu zen Aperribaiko, Usansoloko eta Galdakaoko udalekuetan izena emateko epea, eta horren inguruko azalpen batzuk azpimarratu zituen Edurne Espilla Udaleko Euskara eta Hezkuntza zinegotziak bideo bidez. Bideo hori eta beste zenbait datu batu ditu Binkek hemen.

Apirilaren 12an eman zuen Binkek aurtengo Hiri Udalekuen berri, bai eta izena emateko epea apirilaren 19an zabalduko zenaz ohartarazi ere. Bada, aipatutako egunean —atzo, hilak 19— ireki zen aipatutako epea.

Izen emate horren berri Edurne Espilla Euskara eta Hezkuntza zinegotziak eman zuen Galdakaoko Udalak argitaratutako bideo baten bitartez. Bideo horretan, hedabide honek aurreratu zuen bezala, hiru txanda izango direla aipatu, eta bai jantoki zein harrera zerbitzuak egongo direla azpimarratu zuen zinegotziak.

Hauek Edurne Espillaren berbak: