Zazpi Trokak mendi-lasterketan izena emateko epea zabalik dago
TESTUA: Irati Alonso García
ARGAZKIA: Festak.com
Ganguren Mendi Taldeak Zazpi Trokak mendi-lasterketaren laugarren edizioa antolatuko du apirilaren 5ean. Ibilbideak 22,5 kilometroko luzera izango du eta izena emateko epea zabalik dago.
Aurten ere Ganguren Mendi Taldeak Zazpi Trokak mendi-lasterketa antolatuko du. Laugarren edizioa apirilaren 5ean izango da eta guztira 22,5 kilometroko ibilbidea egingo dute egun horretan parte-hartzaileek.
Bizkaiko Mendi Lasterketa Txapelketaren barruan antolatuko da lasterketa hau, maila absolutuan, gizon eta emakumezkoentzat. Lasterketa laburra ere antolatuko dute egun berean, 15,9 kilometrokoa.
Lasterketan izena emateko epea zabalik dago webgune bitartez eta dataren araberakoa izango da prezioa, baita federatuta edo ez egotearen araberakoa ere.
