Emakume Master Cuparen partida jokatuko da Kurtzea frontoian
TESTUA: Irati Alonso García
ARGAZKIA: i3 estudioa
Galdakaoko Kurtzea pilotalekuak Emakume Master Cuparen eskuz binakako pilota partida hartuko du otsailaren 19an. Leire Garaik eta Enara Gamindek Miren Larrarte eta Miriam Arrillaga izango dituzte aurkari moduan, eliteko pilota mistoa mailan.
Maila altuko pilotariak ikusteko aukera izango dute galdakoztarrek herrian otsailaren 19an. Egun horretan, 12:00etan, Kurtzea frontoian Emakume Master Cuparen Master Laboral Kutxako eskuz binakako pilota partida jokatuko da.
Leire Garai eta Enara Gaminde Miren Larrarte eta Miriam Arrillagaren kontra arituko dira, eliteko pilota mistoa mailan. Hauen aurretik gazte mistoa milako pilotariek 1/4ko finala lehiatuko dute.
Sarrera doakoa izango dela jakinarazi du Udalak eta «esku pilotarik onenaz herrian gozatzeko» deia egin die herritarrei.
